راولپنڈی میں کھیلے گئے پہلے ٹیسٹ میچ میں انگلینڈ نے پاکستان کو 74 رنز سے شکست دے کر تین میچز کی سیریز میں ایک صفر کی برتری حاصل کر لی۔


راولپنڈی ٹیسٹ: سٹوکس کی دلیرانہ کپتانی کے سامنے پاکستانی بیٹنگ ڈھیر



راولپنڈی کے کرکٹ سٹیڈیم میں پہلے ٹیسٹ میچ کے پانچویں روز 343 رنز کے ہدف کے تعاقب میں پاکستانی ٹیم 268 رنز پر ڈھیر ہو گئی
اولی روبنسن کو بہترین بولنگ پر مین آف دی میچ کا ایوارڈ دیا گیا۔ 
پیر کو میچ کے آخری روز پاکستان نے 80 رنز دو کھلاڑی آؤٹ پر اپنی اننگز کا دوبارہ آغاز کیا تو امام الحق 48 رنز بنا کر جیمز اینڈرسن کی بال پر آؤٹ ہوئے۔
محمد رضوان 46 رنز بنا کر پویلین لوٹ گئے ، سعود شکیل 76 رنز بنانے کے بعد روبنسن کی بال پر آؤٹ ہوگئے۔
کھانے کے وقفے کے فوراً بعد جیمز اینڈرسن نے ہی محمد رضوان کو پویلین کی راہ دکھا دی۔ 
پاکستان کے آؤٹ ہونے والے پانچویں کھلاڑی سعود شکیل تھے جو 76 رنز بناکر اولی روبنسن کی بال پر آؤٹ ہوئے۔
آغا سلمان کو روبنسن نے 30 کے انفرادی سکور پر ایل بی ڈبلیو کیا۔  پاکستان کے ساتویں آؤٹ ہونے والے بلے باز اظہر علی تھے جنھوں نے 40 رنز بنائے۔ 
زاہد محمود کو بھی اینڈرسن نے ایک سکور پر آؤٹ کیا، اسی اوور میں حارث رؤف بھی بغیر کوئی سکور بنائے بغیر ایل بی ڈبلیو ہوگئے۔ 
آخری آؤٹ ہونے والے بلے باز نسیم شاہ تھے جنھیں جیک لیچ نے ایل بی ڈبلیو کیا۔ 
انگلینڈ کی جانب سے جیمز اینڈرسن اور روبنسن نے چار، چار وکٹیں کیں، جیک لیچ اور بین سٹوکس کے حصے میں ایک، ایک وکٹ آئی۔