گوگل کا پاکستان میں آپریشنز شروع کرنے کا فیصلہ: وزارت آئی ٹی

گوگل کا پاکستان میں آپریشنز شروع کرنے کا فیصلہ: وزارت آئی ٹی


پاکستان میں وزارت ائی ٹی  کے حکام کے مطابق گوگل نے پاکستان میں آپریشنز شروع کرنے کا فیصلہ کیا ہے جس کے لیے کمپنی کا وفد آئندہ مہینے پاکستان کا دورہ کرے گا۔ 

حکام کے مطابق انفارمیشن ٹیکنالوجی  کمپنی گوگل نے پاکستان میں آپریشنز شروع کرنے کی درخواست اس سال مئی میں دی تھی جس کے بعد کمپنی پاکستان میں آپریشنز شروع کرنے کے لیے قانونی تقاضے پوری کر رہی ہیں۔

حکام کے مطابق گوگل نے پاکستان میں آپریشنز کے شروع کرنے کے لیے ایس ای سی پی سے کلیرئنس کے لیے بھی کونٹکٹ کیا ہے۔

وزارت آئی ٹی کے حکام کے مطابق شروع میں گوگل پاکستان میں انفارمیشن ٹیکنالوجی کے شعبے میں سکالرشپس فراہم کرے گی اور امید ہے کہ 10 ہزار سے زیادہ طلباء کو پاکستان میں سکالرشپ کی سہولت دی جائے گی۔

اس حوالے سے بات چیت کا عمل مکمل ہوچکا ہے۔

وفاقی وزیر برائے انفارمیشن ٹیکنالوجی امین الحق نے تصدیق کرتے ہوئے بتایا کہ ‘گوگل کے ساتھ بات چیت کا عمل بہت وقت سے جاری تھا، گوگل کا اعلٰی سطح کا وفد دسمبر کے دوسرے ہفتے میں پاکستان کا دورہ کر رہا ہے۔‘

وفاقی وزیر کے مطابق ’گوگل کے وفد کے دورہ پاکستان کے دوران مزید بات چیت ہوگی اور ہم پر امید ہیں کہ گوگل پاکستان میں اپنا دفتر بھی کھولے گا۔‘

وفاقی وزیر آئی ٹی کے مطابق ’گوگل کے علاوہ دیگر سوشل میڈیا پلیٹ فارمز بھی پاکستان میں اپنا آپریشنز شروع کرنے جارہے ہیں۔ فیس بک کی ٹیم سے ملاقات ہوچکی ہے اور جلد ان کا وفد بھی پاکستان آئے گا۔‘

انہوں نے مزید کہا کہ ’ٹک ٹاک کے ساتھ بات چیت مکمل ہوچکی ہے، انہوں نے پاکستان میں اپنا دفتر کھولنے کے لیے رضا مندی ظاہر کر دی ہے اور آئندہ چند ہفتوں میں ٹک ٹاک پاکستان میں اپنا دفتر کھولے گا۔‘

خیال رہے کہ وفاقی وزیر انفارمیشن ٹیکنالوجی نے اگلے سال کے

 درمیان تک پاکستان میں فائیو جی لانچ کرنے کا اعلان کر رکھا ہے۔ انہوں نے  نیوز کو دیے گئے ایک انٹرویو میں بتایا تھا کہ ’آنے والے سال کے و میں جولائی اگست میں فائیو جی لانچ کر رہے ہیں، اس سے پاکستان میں ای کامرس، ای بینکنگ اور ای ایجوکیشن میں کام کرنے والوں کے کام میں اضافہ ہوگا۔‘