رواں ہفتے باقی کرنسیوں کے مقابلے میں پاکستانی کرنسی مزیدکمزورہوگئی

رواں ہفتے دیگر کرنسیوں کے مقابلے میں پاکستانی کرنسی مزیدکمزورہوگئی

کراچی: پاکستانی کرنسی رواں ہفتے باقی کرنسیوں کے مقابلے میں مزید کمزور ہوگئی جب کہ ایشیائی ترقیاتی بینک کی طرف سے ملنے والے 1.5 ارب ڈالر بھی  روپے کو سہارا نہیں دے سکے۔

نیوز کے مطابق رواں ہفتے زرمبادلہ کی دونوں مارکیٹوں میں ڈالر، پاؤنڈ، یورو اور ریال کی پرواز بلند رہی اور انٹربینک میں ڈالر کی قیمت 222 روپے سے زیادہ ہوگئی۔ ہفتے کے دوران انٹربینک مارکیٹ میں ڈالر کی قدر میں 1.63 روپے کا اضافہ ہوا، جس کے نتیجے میں ڈالر 222.46 روپے پر پہنچ گیا۔

اوپن مارکیٹ میں ڈالر کی قیمت 227 روپے سے بڑھ گئی۔ہفتے کے دوران اوپن مارکیٹ میں ڈالر کی قدر میں 2.60 روپے کا اضافہ ہوا، جس کے نتیجے میں ڈالر کی قدر 227.50 روپے تک پہنچ گئی۔ برطانوی پاؤنڈ کے انٹربینک ریٹ 9.10 روپے بڑھ کر 256.15 روپے ہوگئے جب کہ اوپن مارکیٹ میں برطانوی پاؤنڈ کی قدر 11.25 روپے اضافے سے 261.50 روپے ہوگئی