ارشد شریف کے قتل اور عمران خان پر حملے پر جوڈیشل کمیشن بنانے کے معاملے میں چیف جسٹس کی کمیشن تشکیل دینے کے لیے ساتھی ججز کے ساتھ مشاورت اختتامی مراحل میں پہنچ گئی۔

ارشد شریف قتل اور عمران خان حملہ' چیف جسٹس کی جوڈیشل کمیشن کیلئے ججز سے مشاورت جاری

ذرائع کے مطابق اسلام آباد میں موجود ججز سے مشاورت کا عمل مکمل کر لیا گیا ہے تاہم جسٹس فائز عیسٰی اور جسٹس عائشہ ملک کے ساتھ پیر کو مشاورت ہوگی کیوں کہ جسٹس فائز عیسی اسلام آباد سے اور جسٹس عائشہ ملک سے باہر ہیں۔

ذرائع کے مطابق دونوں ججز اتوار کو واپس پہنچ کر پیر سے مقدمات کی سماعت کریں گے، نئے تعینات ہونے والے ججز سے بھی پیر کو ہی مشاورت کا امکان ہے۔

سپریم کورٹ کا کہنا ہے کہ مشاورت کا عمل ختم ہونے پر چیف جسٹس وزیراعظم کے خطوط کا جواب دیں گے، وزیراعظم کو خطوط کا جواب دو سے تین دن میں دیا جائے گا، فی الحال جوڈیشل کمیشن تشکیل دیئے جانے کے امکانات نہیں ہیں۔