سپریم کورٹ کے حکم کے بعد وزیر آباد میں چیئرمین پاکستان تحریک انصاف عمران خان پر قاتلانہ حملے کا مقدمہ درج کرلیا گیا۔ 

پولیس کے مطابق مقدمے میں قتل، دھشتگردی، اقدام قتل سمیت دیگر دفعات شامل کی گئی ہیں جبکہ مقدمہ تھانہ سٹی وزیر آباد میں درج کیا گیا۔



پولیس  کے مطابق مقدمے میں گرفتار شخص نوید کو باقاعدہ ملزم قرار دے دیا گیا جبکہ قاتلانہ حملے کی ایف آئی آر کو سیل کر دیا گیا  اور ایف آئی آر کو 8 نومبر کو سپریم کورٹ میں پیش کیا جائےگا

پولیس ذرائع کے مطابق سپریم کورٹ میں پیش کرنے کے بعد ایف آئی آر کو عام کیا جائے گا، مقدمے کے اندراج کے بعد کل ہی مرکزی ملزم نوید کی باقاعدہ گرفتاری ڈال دی جائے گی۔

واضح رہے کہ ملزم نوید اس وقت سی ٹی ڈی کی حراست میں لاہور چونگ کے ایک سیل میں موجود ہے، عمران خان پر فائرنگ کا واقعہ جمعرات کو لانگ مارچ کے دوران پیش آیا تھا۔ واقعہ کا مقدمہ سپریم کورٹ کے حکم پر چار روز بعد درج کیا گیا ہے۔