پشاور سمیت خیبر  پختونخوا کے مختلف علاقوں میں بارش سے سردی کے شدید میں مزید اضافہ ہوگیا جب کہ موسم سرد ہونے سے شہریوں نے سردی کے کپڑے اور سوئیٹر نکال لیے۔

پاکستان کے مختلف علاقوں میں بارش اور برفباری, سردی بڑھ گئی


پشاور سمیت خیبر پختونخوا کے بیشتر علاقوں میں بادل چھائے رہے ، دوپہر کی بارش کا سلسلہ وقفے وقفے سے شروع  رہا جس سے سردی کی شدت مزید بڑھ گئی، پشاور، مردان، چارسدہ ، صوابی، سوات، خیبر اور بیشتر علاقوں میں بارش سے درجہ حرارت گر گیا، آج بھی بارش کا سلسلہ وقفے وقفے سے جاری رہنے کا امکان ہے۔

مینگورہ، سوات, کالام ، بحرین ،مالم جبہ ، وادی لیپہ، بالاکوٹ ، ڈڈیال، نتیاگلی  ، اسکردو ، چترال اور دیر بھر میں پچھلی رات سے  مسلسل بارش اور بالائی علاقوں  میں برفباری  جاری ہے۔ لواری ٹنل ، کالاش کی وادیوں، مڈکلشٹ ،گرم چشمہ ، اپر چترال کے کھوت ،بروغل، یارخون ،تریچ سمیت کئی جگہوں  میں برفباری ہوئی اور تمام پہاڑوں نے برف کی سفید چادر اوڑھ لی۔