عمران خان کے قیمتی تحائف بیس لاکھ ڈالرز میں خریدے,تاجر عمر فاروق

 عمران خان کے قیمتی تحائف بیس لاکھ ڈالرز میں خریدے,تاجر عمر فاروق 

عمران خان کے قیمتی تحائف بیس لاکھ ڈالرز میں خریدے,تاجر عمر فاروق 

متحدہ عرب امارات کے نامی گرامی  تاجر عمر فاروق نے دعویٰ کیا ہےکہ عمران خان کو جو تحائف سعودی ولی عہد کی جانب سے ملے  میں نے 20 لاکھ ڈالرز کی رقم ادا کر کے فرح خان سے خریدے۔

نجی چینل کو دئیے گئے ایک انٹرویو میں تاجر عمر فاروق نے بتایا ہے   کہ سابق مشیر برائے احتساب و داخلہ شہزاد اکبر نے 2019 میں گھڑی، انگوٹھی اور دیگر تحائف بیچنے کیلیے رابطہ کیا، عمران خان کو سعودی ولی عہد کی جانب سے ملے تحائف دبئی میں فرح خان میرے دفتر میں لائیں

عمر فاروق نے بتایا کہ شہزاد اکبر کو معلوم تھا کہ میں گھڑیوں کا شوقین ہوں، اس لیے انہوں نے رابطہ کیا۔

دوسری طرف فرح گوگی کے شوہر احسن جمیل گجر نے ایکسپریس کے پروگرام ’کل تک‘ میں جاوید چوہدری کے ساتھ بات کرتے ہوئے کہا کہ ’فرح یا میں شہزاد اکبر کو نہیں جانتے اور نہ ہی عمر فاروق کو جانتے ہیں‘۔ انہوں نے کہا کہ عمران خان کے ساتھ ہمارے لین دین والے تعلقات نہیں اور نہ ہی انہوں نے کبھی کوئی تحفہ مجھے یا فرح کو دیا۔

احسن جمیل گجر نے بتایا کہ ’دبئی میں جیولرز کی دکانوں پر سی سی ٹی وی کیمرے لگے ہوئے ہیں، وہ دعوے کے ساتھ فوٹیج بھی نکال کر لے آئیں، اتنی بڑی بزنس کرنے والے شخص نے اپنے آفس میں تو کیمرے لگائے ہی ہوں گے‘۔