آرمی چیف کی تعیناتی کیلئے صدر مملکت اپنی آئینی ذمہ داری ادا کریں گے‘




آرمی چیف کی تقرری کیلئے صدر مملکت اپنی آئینی ذمہ داری ادا کریں گے‘



حکومتی  جماعت پی ایل ایم  این کے سینیئر وزیر اسحاق ڈار نے جمعے کو صدر پاکستان عارف علوی سے ملاقات کی جس میں اہم حکومتی امور پر بات چیت کی گئی ہے۔
پرائم منسٹر شہباز شریف کے کورونا میں مبتلا ہونے کے بعد اس وقت حکومتی امور میں وزیرخزانہ اسحق ڈار کا کردار اہم رہا  ہے۔
یاد رہے کہ آرمی چیف جنرل قمر جاوید باجوہ اس مہینے  کے آخر میں ریٹائر ہو رہے ہیں اور آئندہ چند دنوں میں وزیراعظم شہباز شریف کی جانب سے آرمی چیف کی تقرری  کی سمری صدر مملکت کو بھیجی جائے گی۔
اسلام آباد میں ہونے والی ملاقات کے بعد ایوان صدر کی جانب سے جاری اعلامیے میں آرمی چیف کی تقرری کے معاملے پر بات چیت کا ذکر نہیں ہے،  تاہم حکومتی ذرائع کے مطابق پاکستان تحریک انصاف  کی جانب سے مقرر کیے جانے والے صدر کے ساتھ موجودہ حکومت کے اہم وزیر کی ملاقات میں اس معاملے پر بھی گفتگو  ہوئی ہے۔
اس کی تصدیق ایوان صدر کی جانب سے نہیں کی گئی ہے۔
ایوان صدر کے مطابق صدر عارف علوی سے وفاقی وزیر خزانہ اسحاق ڈار کی ملاقات کے دوران وفاقی وزیر خزانہ نے صدر مملکت کو ملک کی مجموعی اقتصادی اور مالیاتی صورتحال پر بریف کیا۔